قصيدة في السر

إصحك تهين النفس بحساس مفتـون نفسـك تِحَكْحِـك لـك وبالهـون ترميـك

سرَّك تـرى بالصـدر فـي بيـر مدفـون وصونه بوسطَّ القلب لـو كـان يوذيـك

خلِّـه بِنَـار الصبـر واوجـاع مصـيـون ومهما يكـون الحـكِّ بالصـدر موذيـك

إحـذر تطـاوع نـفـس وتبـيـح مكـنـون وتـذيـع بــه تنفـيـس بـلـسـان يـغـديـك

بعض الغلا يا صـاح بالريـق مدهـون وبعـض الوفـا لا بـدِّ يــوم ٍ يعـاديـك

وجـلَّ الغـلا يفديـك بـالـروح وعـيـون بقلوب بعض اخوان واحضان تحويك

ومن قـال بيـن اثنيـن يـا سـرِّ مدفـون في صدر صاحب بالوسَع قلـب يغليـك

بـا اقـول خـلَّ السـرِّ مسـتـور لَتْـهـون والواقـع المعقـول مــا فـيـه تشكـيـك